Loluwari Media (Dili)-Obrigatoriumente hasai sidadaun Pakistaun ida ne’ebé aluga uma iha parte Akait Central Ótel, tanba tuir uma na’in Afonso Cortereal katak, nia la selu uma durante tinan rua ona.
Iha uma ne’ebé sidadaun Pakistaun Jamil Pahad aluga hodi utiliza ba suku ropa ne’e, desde tinan 2015 to’o agora fo serbisu ba Timor-oan na’in 8, ho situasaun ne’ebé uma na’in takan fatin refere, entaun sira na’in 8 tenke lakon serbisu.
Uma na’in Afonso Cortereal haktuir, kontratu ba sidadaun pakistaun ne’e, durante tinan tolu, hahu iha 2015 to’o 2018, nune’e kontratu remata ona, maibe sidadaun pakistaun ne’e sidauk hamamuk fatin, tanba ne’e familia diside hasai sira husi fatin ne’ebé sira uja hodi buka moris.
“Sira hela iha ne’e kleur ona, kontratu ba sira iha 2015, hau nia kuinadu sei moris iha 2015 ne’e sira aluga ba senor ne’e, antes nia mate liu semana rua nia asina kontratu ba tinan tolu de’it to’o iha loron 1 fulan setembru sira tenki sai, maibe to’o kontratu hotu liu tiha fulan ida ka rua ona mos seidauk sai, ami fo karta ba nia atu sai husi fatin ne’e, maibe lakoi sai”, imforma Afonso Cortereal ba jornalista sira iha bairo Formoza, sesta (04/12/2020).
Nia hatutan, kontratu ne’ebé sidadaun Pakistaun asina kada fulan selu ho osan montante $1.500 dolar, enkuantu durante tinan tolu nia laran hamutuk $36 mil.
Iha fatin hanesan Jamil Pahad sidadaun Pakistaun ne’ebé hanesan negosiante aluga fatin ne’e haktuir, nia parte halo kontratu ho matebian nia oan mane, la’os ho sira ne’ebé mai obriga nia sai ne’e.
“Hau hakarak esplika ba ita boot sira, hau laiha kontratu asina ho sira no iha 2015 hau asina kontratu ho senor uma na’in ne’ebé matebian tiha ona, iha tinan 2015 fulan agostu matebian ne’e mate, iha dezembru 2015 ami kontinua ho asina kontratu ho matebian nia oan mane hela iha Australia ne’ebé ami kontinuasaun to’o 2019 ho senor matebian nia oan”, Nia klarifika.
Enkuantu sidadaun pakistaun ne’e, durante hala’o negosia fo oportunidade ba Timoroan na’in 8 hodi servisu iha fatin refere.
Iha observasaum loluwari.com nian terenu hatudu familia obrigatorimente duni sai sidadaun pakistaun ne’e inklui mos trabalhador Timoroan balun iha fatin refere no familia sira mos deside kedas taka fatin suku roupa ne’e.
Jornalista : Javelino silva
Editor : Loluwari
0 Comments